Үшінші SMS хат. Бауыржан Қарағызұлы

Біздің демеуші






Үшінші SMS хат

Жалықтым бәрінен жерідім,
Сендей боп түсінсін мені кім?!
Әзірге жаныма жұбаныш
ұялы телефон­ ­– серігім.

…Альбомды ақтардым түнімен,
Өзімді тағы да алдадым.
Жас сіңген жастықты құшақтап,
Ұйықтай алмадым.

Шырмауық ойыма шырмалып,
Не таптым түнеріп түн бағып?!
Сұп-суық таң атып келеді,
Сұп-суық төсектей сұрланып.

Сұп-суық тағдырға мөлдіреп,
Жанымнан ып-ыстық жас тамған.
Сен деген сенделген ғұмырды
Ми емес, жүрегім басқарған.

Өтінем, хат жазшы аспанға,
Хаттарың аспанмен келеді.
Сағыныш тілімен оқиын,
Жоқ менде басқа арман… Себебі…

Бауыржан Қарағызұлы

Baurzhan_aga

Бауыржан Қарағызұлы, ақын,
Халықаралық «Шабыт» шығармашыл
жастар фестивалінің лауреаты
және Гран-При жүлдесінің иегері