Қырық бірінші SMS хат. Бауыржан Қарағызұлы

Біздің демеуші






Қырық бірінші SMS хат

Өзгені ұнатпай,
Өзімді жек көрдім.
Тілдедім тас бауыр тағдырды.
Мына түн не деген сұп-суық?!
Жанымды тоңдырды.

Өзіңсіз қыбырлап құр босқа,
Күн өтті, апта өтті иіріліп жыландай,
беліне оралып бұл айдың.
Мен неге үніңді естісем қуанбай,
Неге Мен жылаймын?!

Ботадай боздайды
Жас жетім жүрегім.
Бағынбай ешқандай ақылға.
Сен мені жұбатып,
хат жазшы өтірік,
Қуанып қалайын...
Мақұл ма?!

Бауыржан Қарағызұлы

Baurzhan_aga

Бауыржан Қарағызұлы, ақын,
Халықаралық «Шабыт» шығармашыл
жастар фестивалінің лауреаты
және Гран-При жүлдесінің иегері